Itikaf Ke Masail In Urdu عورت کے اعتکاف کے مسائل Aurat Ka Itikaf K Masail Itikaf K Nawafil In Urdu Itikaf For Females In Urdu

Itikaf Kay Masail aur Sawab 

Ramzan Mein Itikaf Ki Fazilat Itikaf Kitne Din Ka Hota Hai

itikaf Ka Matlab itikaf Kya Hai in Urdu

Itikaf k lughvi maani thehrne k hain islami istalah mein duniya k tamam kaam aur karobar chor kar Allah Taala ki ataat aur uski raza hasil karne k liye ramzan shareef k akhri ashra mein masjid k aik kona mein bethne ko itikaf kehte hain. Nabi Sallaho Alaihe Wa Alihi Wasallam har saal 10 din itikaf kiya karte thy wisaal wale saal Aap Sallaho Alaihe Wa Alihi Wasallam ne 10 din ki bajaye 20 din itikaf farmaya (Sahih Bukhari wa Sahih Muslim, Sahiheen, Mutafqan Aleh)

Itikaf mein kasrat e nawafil, tilawat e Quran e Majeed, Zikr e ilahi aur Darood shareef parhne mein mashgool rehna chahiye. Itikaf ki bari fazeelat i hai. Aap Sallaho Alaihe Wa Alihi Wasallam ka irshad hai jis ne 10 din itikaf kiya usko 2 Hajj aur 2 Umrah ka sawab milega. (Bayhaqi)
Itikaf karne wala bagair kisi majburi k masjid se bahar na nikle albata qaza e hajat aur namaz e jumma k liye nikalna jaiz hai. Mard ki tarah aurat bhi masjid mein itikaf beth sakti hai. Moatkif 21 ramzan ul mubarak ko subah ki namaz parh kar itikaf wali jagah mein dakhil ho aur chand dekh kar bahar nikle.

Aurtain Bhi Masjid He Mein Itikaf Bethen Itikaf Ka Tarika In Urdu For Females

Itikaf Ka Tarika Aurat K Liye In Urdu Khawateen Ka Itikaf Ka Tarika In Urdu

Ramzan ul Mubarak k akhri ashra mein baaz jagah Ahnaf ki dekha dekhi auraten apne gharon mein itikaf bethti hain halanky jaye itikaf ghar nahi masjiden hain isliye auraton ka apne gharon mein itikaf bethna sahi nahi hai. Auraten sirf aisi masjidon mein itikaf bethen jahan auraton k liye har cheez ka mardon se alag intezam ho aur kisi kisam ka fitna o fasad ka andesha na ho basurat e degar inka itikaf bethne se ijtinab karna zyada behtar hai jesa k Allah Taala ka irshad hai.
Tarjuma:- Jab tum masajid mein itikaf bethe ho auraton se mubashrat na karo.
Hanafiyon k mashoor molvi Muhammad Zakariya Kandhlawi raqamtaraz hain.
" Aurat k liye apne ghar mein itikaf karna chahiye. (Fazail e Ramzan)
Molana Rifat Qasmi Mudarris Darul Uloom Deoband Muarf Alhadees jild no.1 safah no. 119 k hawala se likhte hain.
"Azwaj e Mutahirat apne hujron mein itikaf farmati thin aur khawateen k liye itikaf ki jagah unke ghar hain unke ghar wahi jagah jo unhon ne namaz k liye muqarrar kar rakhi ho. Agar ghar mein koi khas jagah muqarir na ho to itikaf karne wali khawateen ko aisi jagah muqarar kar leni chahiye.
Imam Muhammad Bin Ismail Bukhari R.A Al Mutufi ne apni kitab Sahih Bukhari jild no.1 safah no. 172 par aik baab bayen alfaz munaqid kiya hai.
Yani ramzan ul mubarak k akhri ashra mein itikaf bethne ka bayan aur ye k tamam jamya masajid mein itikaf ho sakta hai kyon ki irshad e baari taala hai.
" Aur tum jab masajid mein itikaf betho to raat ko apni auraton se mubashrat na karo ye Allah Taala ki hadain hain inke qareeb bhi na jana Allah Taala isi tarah apni ayaat logon se bayan farmata hai takay log Taqwa ikhtiyar karen.
(Baqiya Hashiya)
(Mukamal o Mudlil Masail e itikaf safah 25) Allama Alim Faqri Hanafi raqamtaraz hain.
" Auraton ka itikaf ghar mein hoga masajid mein nahin " (Rohani Itikaf Safah 20)
Baaz Ahl e Hadees ulma ne bhi auraton ko apne gharon mein itikaf bethne ki ijazat de rakhi hai jesa k tajaliyat e ramzan mein 125 par marqoom hai.
"Note: Auraten badstaoor gharon mein itikaf karen."
Mahanam Sirat e Mustaqeem Birmingham Bartaniya jild no.13, shumara 4, safah 23 par marqoom
16: Auraton k liye gharon mein itikaf karna afzal hai.
Faida jaleela:-

Is se saaf zahir hai k agar itikaf masjid k ilawa kisi dusri jagah bhi jaiz hota to Quran e Majeed mein ye masala bayan na kiya jata k masjid mein itikaf k waqt mubashirat mana hai kyon ki ye itikaf k munafi hai is se maloom hua k itikaf masajid mein he hota hai.
Fatah ul Bari jild 4 safah 319 umdah tul qari jild no. 5 safah 373 aur qustalani jild no.1 safah no. 227 k mutabiq Bukhari Shareef k tarjuma Al Baab se Imam Muhammad bin Ismail R.A Bukhari Al Matufi ki gharz ye hai kay: itikaf k sahih hone ki manmjila dusri mtalooba sharait k aik lazmi sharat masjid bhi hai aur ulma e karam ka is par itefaq hai. Isiliye Rasool Allah Sallaho Alehi Wa Aalhi Wasallam ne apni zindagi mein har saal ramzan ul mubarak mein he itikaf kiya hai. Aik martaba kisi safar ki wajah se choot gaya to agle saal 20 din itikaf farmaya, ghar mein aik martaba bhi itikaf na kiya.

Itikaf Jamia Masjid Mein Masnoon Hai

Hadees ka tarjuma
Al Jamiya Al Shoaib il imaan jild no.7 safah no. 521, raqam 3676, Abu Dawood jild no.1 safah no. 342 Mishkat jild no.1 safah 183
Umm ul Momineen Hazrat Ayesha Siddiqa R.A farmati hain Sunnat e Nabwi S.A.W.W yehi hai k itikaf nahi hota magar jamiya masjid mein.
Hazrat Ali R.A ne farmaya k itikaf nahi hota magar jamia masjid mein.
Al Hasil:- Is mein koi shak nahi k Amma Aisha Siddiqa R.A k farman ko Usool e Hadees ki ru se bil itefaq Muhaddiseen Azaam marfu hadees ka darja hasil hai jesa k hashiya mein wazahat kar di gayi hai goya k Rasool Allah S.A.W.W ne khud farmaya hai k " Nahi itikaf magar jamia masjid mein" Jamia masjid wo hai jis mein 5 waqt ki namaz bajamaat ka ehtamam ho bas aisi masjid mein itikaf karna masnoon hai.

Ummhat ul Momineen Ka Masjid Mein Itikaf Woman Itikaf Rules For Females In Urdu

Umm ul Momineen Hazrat Ayesha Siddiqa R.A se riwayat hai k beshak Nabi S.A.W.W ne itikaf kar irada kiya. Jab masjid mein itikaf ki jagah pohnche to wahan kayi khemy lage hue dekhe ye khemy Hazrat Hafsa R.A aur Hazrat Zainab R.A k khemay thy. Nabi S.A.W.W ne farmaya, tum is mein in ki neki samjhti ho phir Aap S.A.W.W wapis chale gaye aur itikaf nahi bethe yahan tak k shawwal k ashre ka itikaf kiya.
Hazrat Ayesha Siddiqa R.A. se riwayat hai k Rasool Allah S.A.W.W Ramzan k akhri ashra mein itikaf karte thy main aap k liye Masjid mein khaima laga deti to Aap S.A.W.W 21 ramzan ko fajar k baad is mein tashreef le jate Hazrat Hafsa R.A ne Hazrat Ayesha Siddiqa R.A se apne liye khema lagane ki ijazat mangi unhone ijazat de di to Hazrat Hafsa R.A ne bhi masjid mein apne liye aik khaima laga liya jab Hazrat Zainab R.A ne dekha to unho ne bhi khaima laga liya.
Jab Rasool Allah S.A.W.W ne subah ki namaz parh kar itny khemy dekhe to farmaya ye khemy kis liye hain? Aap S.A.W.W ko bataya gaya to Aap S.A.W.W ne farmaya k tum isay inki neki samjhti ho yani ye to tum dekha dekhi kar rahi ho chanacha Aap S.A.W.W ne is mahine itikaf chor diya aur phir Shawwal k ashra ka itikaf kiya. (Sahih Bukhari wa Sahih Muslim)
Hafiz Ibn e Hajar R.A aur Allama Aini R.A Ka Fesla
Shareh Bukhari Imam Ahmed Bin Ali R.A bin Hajar Asqalani R.A Al Matufi aur Allama bin Ahmed Aini Al Matufi raqamtaraz hain.

Mazkura bala hadees sahihah is iski sharah se roz e roshan ki tarah ayan hai k sehat e itikaf k liye masjid sharat hai warna Aap S.A.W.W apni Azwaj e Mutahirat R.A ko masjid mein itikaf ki ijazat he na dete, kyon ki auraton ko to gharon mein bhi parday ka hukam hai pas agar sehat e itikaf k liye masjid mein theharna sharat na hota to Aap S.A.W.W apni Azwaj e Mutahirat R.A ko ko kabhi bhi masjid mein itikaf ki ijazat ne dete aur na phir inke tarz e amal ki bina par inhen mana he karte balke farmate k tumhare liye yehi kafi hai k tum apne apne gharon mein itikaf betho.

Imam e Novi R.A Ka Faisla

Shareh Muslim Imam Yahya R.A. Bin Sharaf Novi Al Matufi raqamtaraz hain yani ye Ahadees is baat ki wazeh daleel hain k itikaf masjid k ilawa kisi dusri jagah sahi nahi kyon ki Nabi Kareem S.A.W.W aur Aap S.A.W.W ki Azwaj e Mutahirat R.A. aur Sahaba e Karam R.A. masjid mein he itikaf kiya karte thy halanky masjid k iltizam mein kafi diqqat ka samna hota hai. Agar ghar ki masjid mein itikaf jaiz hota to Sahaba e Karam R.A aik dafa zaror aisa karte khas tor par auraten to gharon mein itikaf kartin kyon ki mardon ki ba nisbat aurten gharon mein itikaf ki zyada zaroorat mand thin.
Aur ye jo hum ne zikar kiya hai k sehat e itikaf k liye masjid shart hai iske ilawa kisi dusri jagah itikaf sahi nahi hai ye Imam Malik R.A, Imam Shafi R.A, Imam Ahmad R.A, Imam Dawood R.A aur Jamhoor e Muhaddiseen Azam R.A waghera ka mazhab hai is mein mard aur aurat dono barabar hain.
Umm ul Momineen Umme Salma R.A Ka Rasool Allah S.A.W.W Kay Sath Masjid Mein Itikaf
Hazrat Ayesha Siddiqa R.A farmati hain k Rasool Allah S.A.W.W k sath aap ki biwiyon mein se aik aurat Sunan Saeed R.A bin Mansoor R.A ki riwayat k mutabiq Hazrat Umm e Salma R.A ne Halat e Istihaza mein itikaf kiya isay kabhi surkh aur kabhi zard khoon ata tha aur khoon ki kasrat ki wajah se basa auqat hamen uske neeche tabaq rakhna parta hai tha aur wo is halat mein he namaz ada karti thin.
Al Hasil:- Mazkura bala hadees e sahiha se darj zail 3 fawaid samne aye hain:-
1. Mard ki tarah aurat bhi masjid mein he itikaf kare.
2. Mustahaza aurat bhi masjid mein itikaf kar sakti hai.
3. Agar aurat k liye ghar mein itikaf karna afzal ya jaiz hota to Nabi Kareem S.A.W.W apni is bimar biwi ko bilkhasoos aisa karne ka hukam zaror dete.
Ye hadees Ahle Hadees k muaqaf ki aisi thos aur wazeh daleel hai k jis ki koi taveel nahi ki ja sakti baharhal Umm ul Momineen Hazrat Umm e Salma R.A ka shauq e ibadat, unka mustahza hona, is marz k bawajood unka Rasool Allah S.A.W.W k sath masjid mein itikaf karna is baat ka bayen saboot hai k aurat ka itikaf bhi ghar mein nahi balke masjid mein he hoga.
Mazkura hadees k zail mein auon ul mabood jild no. 2 safah no.311 aur neel alwatar jild no.4 safah no. 151 par marqoom hai.

Hadees ka tarjuma:- Ye hadees 4 masail ki daleel hai awwal ye k mustahza aurat masjid mein qayam kar sakti hai. Doom ye k mustahza aurat ka masjid mein itikaf sahi hai. Soom ye k mustahza ki namaz bhi sahi hai. Chaharam ye k aurat ka masjid mein be wazu hona bhi jaiz hai jabky talwees ka khadsha na ho aur daim al hadas aur jis ka khoon rista rehta hai aur wo bhi is qabeel se hain.
Hasil e Kalam:- Satoor e bala mein Quran e Majeed aur ahadees sahiha aur inki sharooh se ye amar roz e roshan ki tarah wazeh se wazeh tar ho gaya ha k muatkif k liye masjid shart hai is mein mard aur aurat dono barabar hain. Lehaza auraton ka itikaf bhi masjid he mein sahih hai ghar mein sahi nahi jesa k Umhat ul Momineen R.A ne Nabi S.A.W.W ki mubarak zindagi mein aur Aap S.A.W.W ki wafat k bad bhi masjid he mein itikaf kiya. Ulama e Ahnaf ka ye kehna k auraton ka itikaf ghar mein hoga masajid mein nahi ya aurat aurat k liye apne ghar mein aitkaf karna chahiye waghera waghera ye sirf un ka qiyaas hai jo bilkul ghalat aur Quran e Majeed aur Ahadees e Sahiha k sara sir khilaf hai.

Ikhtitam e Itikaf:- Jab shawwal ka chand nazar aa jaye to mutakif ka itikaf khatam ho gaya ab wo mutakif itikaf gah se bahir nikal kar ghar rawana ho jaye. Allah Taala ka shukar ada kare k haqeer nazrana Bargah e ilahi mein qabool ho. Aaj kal bara riwaaj ho gaya hai k mutkif ko bary ahtmam k sath nikalte hain noton aur pholon k haar pehnate hain aur ba qaida jaloos ki shakal mein isay ghar chor kar aate hain so wazeh ho k ye tamam baatein ghair sharai hain jinka koi saboot nahi inse ijtinab karna nehayat zarori hai.

Roza Rakhne Kay 10 Aham Fawaid روزے کا اجر Roza Rakhne Ke Kya Fayde Hain Roza Rakhne Ke Fayde In Hindi

Roza Rakhne Ke Fawaid aur Iske Asraat

Roza Rakhne Se Kya Fayda Hota Hai Roza Kyon Rakhte Hain?

Roza Rakhne Ke Fayde in Urdu Ramadan Fasting Benefits In Hindi

 Allah k naamon mein se aik naam hakeem hai aur hakeem wo zaat hoti hai jo hikmat se mutsif ho, aur hikmat kehte hain kisi kaam mein maharat hasil karne ko, aur kaam ko iske moka o mehal k mutabiq karne ko, Allah Taala k is naam ka taqaza hai k har cheez ko Allah Taala ne apni hikmat balgha k teht peda aur mashru kiya jis ne iski hikmat ko jaan liya so jaan liya, aur jo is ki hikmat ko nahi samjh paya to ye iski apni kam ilmi hai, aur wo roza jis ko Allah Taala ne apne bandon par farz qarar diya hai is mein azeem hikmatein aur beshumar fayde hain jin mein se chand aik ka tazkirah kiya jata hai.

Roza Rakhne Kay 10 Zabardast Faiday

1. Roza aik aisi ibadat hai jis k zariye banda apni mehboob tareen cheezon ko jesy khana peena aur jamaa ko iski fitri mohabbat k bawajood chor kar rab ka qurb hasil karta hai takay apne rab ki raza, uski khushnudi aur jannat hasil kar sake, istarah rozadar ka apni mehboob tareen cheezon par rab ki raza o pasandeedgi ka aur akhirat ko duniya par tarjeeh dena wazeh hota hai.
2. Roza taqwa ka zariya hai basharatyky rozadar apne roze ko wajbaat k sath ada kare,
farman e bari taala hai:

Tarjuma:- Aye imaan walo! Tum par roze rakhna farz kiya gaya jis tarah tum se pehle logon par farz kiye gaye thy takay tum taqwa ikhtiyar karo." (Surah Al Baqarah Ayat No.183)
Rozadar ko taqwa ikhtiar karne ka hukm hai aur taqwa Allah Taala k ahkamat manne aur uski mana karda cheezon se bachne ka naam hai, aur roza rakhne ka sab se bara maqsad yehi hai, roza rakhne ka maqsad hargiz ye nahi hai khana peena aur sohbat tark karwa kar rozadar ko aziyat aur takleef pohnchai jaye.
Farman e Nabvi S.A.W.W hai " Jo shakhs roza rakh rakh kar jhoot bolna, us par amal karna aur jahalat tark na kare to Allah ko iske bhooke pyase rehne ki koi zaroorat nahin"

3. Roza nafs ki tarbiyat, ikhlaq ko tehzeeb aur rozadar k andar isteqamat ki sift paida karta hai, roza ka aik tehzeebi paigham hai jis k gehre asrat musalmano k ikhlaq par parte hain, isitarah ye roza dar k andar khauf e ilahi ki sift bhi peda kar deta hai, ye khauf iske nafs ki nigrani karta rehta hai aur andar se zabt nafs peda karta hai, phir aik roza dar musalman se jo amaal saadar hote hain wo iske khof k tabay hote hain.

Kya aap ne kabhi aisa rozadar dekha hai jo apne rab k sath sach to bole aur logon k sath jhoot bole? Jo apne roza mein mukhlis ho aur muashra mein munafiqat peda kare? Ikhlas aisi akai hai jis ko taqseem nahi kiya ja sakta aur bilashuba roza ki kohan ki choti aur mamla ki jar Allah k sath ikhlas hai? to lehaza jo shakhs apne rab k sath mukhlis hoga mahal hai k wo dusro ko fareb, khayanat aur dhoka de aur mahal k wo chori kare aur takleef de agar is se koi ghalt kaam saadar ho he jaye to foran palatta hai raju karta hai mazrat karta hai aur had darja sharminda hota hai.
Roza ikhlaq ko jorne aur andar se mazboot buniyadon par khara karne k asbab mein se aik bunyadi sabab hai isliye k zahri khubsurti koi faida nahi de sakti jab tak andar se bunyad mazboot aur pukhta na ho isliye k rozadaron k ikhlaq, sabit qadmi, istamra aur duwam aur taraqi jesy siffat liye hue hote hain isliye k andar or bahir se iski mukamal hifazat ho rahi hoti hai.

4. Roza insan ko ghalat adaat ki hukmarani se chutkara dilata hai jo shakhs kisi buri adat ka qaidi ho jaye wo ye samajhta ho k is galat aadat se chutkara hasil nahi kar sakta aur na he wo is se azad hone ki taqat rakhta hai to isay chahiye k wo roza rakhe, isliye hum dekhte hain k aadmi roza rakh kar apni aadat qulli aur qatai taur par badal sakta hai, iske bad wo ye samajh jata hai k iske liye apne nafs ko in aadat ki bandish se azad karna sehal aur asan hai jo adaat hamesha se iske liye qalaq aur pareshani ka sabab bani rahin.

5. Roza mein Allah Azzawajal ki ibadat aur tabyadari ka saboot hai isliye roza musalmano ko sachi ibadat o bandgi ki tarbiyat karta hai chanacha jab raat aati hai to rozadar apne rab k is farman ki tameel mein

Tarjuma:- Tum khate peete raho yahan tak kay subah ka safed dhaga siyah dhagay se zahir ho jaye." Khata aur peeta hai isliye roza dar k liye sehri aur iftari kay waqt khana mustahab qarar diya gaya hai aur saum o saal ko makroh jana gaya isliye in aukat mein khana peena ibadat e ilahi qrar paya aur jab subah sadiq talu hoti hai to Allah Taala k is hukam Tarjuma: Phir raat tak rozy ko pura karo" ki tameel mein khane peene aur roza ko tor dene wali dusri cheezon se ruk jata hai is tarah aik musalman Allah Taala k liye mukamal abudiyat o bandgi par tarbiyat pata hai.

• Roza Rakhne Ki Niyat Karne Ka Tarika روزہ رکھنے کی نیت کرنے کا طریقہ

6. "Roza" gunahon ka kaffara hai isliye k nekiyan gunahon ko mita deti hain aur roza apne andar bohat si nekiyan samoye hua hai jesa k Allah ka farman hai
Tarjuma: Nekiyan gunahon ko mita deti hain (Surah Hood Ayat No.114)

Aur Aap S.A.W.W ka farman hai " Aadmi apne ehl o ayal maal o minal aur parosi ki wajah se jin gunahon ka shikar hota hai Namaz, Roza aur Sadqa inke liye Kaffarah ban jate hain.
Yani bande se jo ghaltiyan apne ahl o eyal k haq mein ho jati hain jesy sakht baatein, aziyat dena ya kisi kisam ki kotahi, ya parosiyon k haq mein jo ghaltiyan ho jati hain jesy qauli faili ziyadtiyan ya maali ghaltiyan ye sab ki sab aur iske mushaba tamam chote gunah Namaz, Roza aur Sadqa ki barkat se khatam ho jate hain.

7. Roza musalmano ko sabr o tahammul aur mushaqat bardasht karne ka aadi banata hai isliye k roza, rozadar ko pasandeeda aur marghoob cheezon aur khuwahishat ko tark karne par amadah karta hai aur khwahish nafs par qaabu pana intehai mushkil kaam hai isliye k roza mein sabar ki teeno qismen payi jati hain. Allah ki ata'at par sabar karna, Allah ki taraf se haram ki gayi cheezon par sabar karna, Allah k iqdar yani qaza o qadar par sabar karna, jab ye teeno kismen banda e momin k andar jama ho jayen to ye Allah k hukam se isko Jannat mein dakhila k bais banegi. Irshad e Rabbani hai:- Tarjuma:- Sabar karne walon he ko inka pura pura beshumar ajar diya jata hai" (Surah Al Zumar Ayat No.10)

8. Roza duniya aur akhirat mein saadat wa naik bakhti ka sabab hai farman e Nabvi S.A.W.W hai
" Rozadar k liye 2 khushiyan hai aik khushi to iftar k waqt aur aik khushi apne rab se mulaqat k waqt"
Momin ko iftar k waqt jo khushi hasil hoti hai ye iski saadat o lazzat ki aik jhalak hai jo duniya mein momin insan Allah Azzawajal k taqwa aur uski ataat k sabab mehsoos karta hai aur yehi haqeeqi saadat hai aur ye khushi momin ko 2 tarikon se hasil hoti hai.

Pehla Tarika:- Ye hai k Allah Taala ne rozadar k liye us waqt khana peena mubah aur jaiz qarar diya hai is mein koi shak nahi k nafs ko khane peene ki chahat hoti hai tabhi to rozadar aadmi in dono cheezon se ruk kar Allah ki ibadat bajalata hai.
Dusra Tarika:- Allah Taala ne usko us din ka roza rakhne aur is ibadat ko mukamal karne ki taufeeq di hai.
Sab se bari khushi rozadar ko us waqt hasil hogi jab wo akhirat k din Allah Taal se mulaqat karega. Allah Tabarak wa Ta'ala iske roze ka sab se bara badla is shakal mein dega k iska roza iske haq mein Shafaat karega aur wo Baab Ur Rayyan k rastay Jannat mein pohanch jaye ga.

9. Roza se Imaan barhta hai aur bohat sari ibadat ki baja awari mein jesy Namaz, Tilawat e Quran, Zikr e ilahi, Sadqa o Khairat, Dua o Istighfar aur Tauba karne mein bande ki madad karta hai, aur nafs ko haraam kaamon mein parne se rokta hai to Roza in azeem nekiyon mein se hai jo buraiyon ko khatam kar deta hai.

10. Roza ka aik muashrti faida ye hai k is mein daulatmand aur faqeeron aur khas o aam k darmiyan maswat hai aur ye logon mein aik Ummat k afrad hone ka ehsaas bedaar karta hai chanacha sab k sab aik he waqt mein khate hain aur aik he waqt mein roza rakhte hain. Neez maaldaar shakhs ko Allah ki naimaton ka ehsaas dilata hai chanacha wo faqeer aur zaroratmand afrad se hamdardi karta hai neez roza rakhne ki barkat se shaitan k behlawe kam ho jate hain roza society mein taqwa peda karne ka bais hai aur is se logon k bahmi taluqat mazboot ho jate hain.

Roza Kholne Ki Dua With Urdu Translation افطار کی مسنون دعا Roza Kholne Ki Dua With Tarjuma Iftar Ke Waqt Mangne Ki Dua Iftar Ki Dua In Arabic Text

Iftar Ke Waqt Ki Dua In Hindi Roza Iftar Karne Se Pehle Ki Dua

• Sehri Kay Waqt Ki Dua Roza Rakhne Ki Niyat سحری کے وقت کی دعا روزہ رکھنے کی نیت

افطار سے پہلے دعا کی  قبولیت کا وقت ہوتا ہے آپ کوئی بھی دعا مانگ سکتے ہیں اور روزہ افطار کرنے کے بعد جو دعا سنتِ نبویؐ سے ثابت ہے وہ درج ذیل ہے۔

Roza Iftar Karne Kay Baad Ki Dua Roza

حَدَّثَنَا عَبْدُ اللَّهِ بْنُ مُحَمَّدِ بْنِ يَحْيَى أَبُو مُحَمَّدٍ، حَدَّثَنَا عَلِيُّ بْنُ الْحَسَنِ، أَخْبَرَنِي الْحُسَيْنُ بْنُ وَاقِدٍ، حَدَّثَنَا مَرْوَانُ، – يَعْنِي ابْنَ سَالِمٍ – الْمُقَفَّعُ – قَالَ رَأَيْتُ ابْنَ عُمَرَ يَقْبِضُ عَلَى لِحْيَتِهِ فَيَقْطَعُ مَا زَادَ عَلَى الْكَفِّ وَقَالَ كَانَ رَسُولُ اللَّهِ صلى الله عليه وسلم إِذَا أَفْطَرَ قَالَ ‏ “‏ ذَهَبَ الظَّمَأُ وَابْتَلَّتِ الْعُرُوقُ وَثَبَتَ الأَجْرُ إِنْ شَاءَ اللَّهُ ‏”‏ ‏. ~ Sunan Abi Dawud 2357

اردو ترجمہ:

پیاس ختم ہو گئی، رگیں تر ہو گئیں، اور ان شاءالله اجر ثابت ہو گیا""

Roze Ki Halat Mein Biwi Se Humbistari Ka Kaffara Roze Ka Kaffara Kaise Ada Kare Roze Ki Halat Mein Biwi Se Milna In Urdu

Roza Ka Kaffara In Hindi Rozay Ka Kaffara In Urdu Roze Ki Halat Mein Jama Karna

Roze Ki Halat Mein Humbistari Kar Sakte Hai Ya Nahi

Roze Mein Biwi K Sath Jamaa Karne Ka Kaffara Roze Ki Halat Mein Biwi Se Humbistari Karna

Syedna Abu Huraira R.A bayan karte hain k hum Nabi S.A.W.W ki khidmat mein thy k aik shakhs aya or kaha: Aye Allah k Rasool S.A.W.W main to tabah ho gaya. Aap Sallallahu Alaihi Wa Aalihi Wa Sallam ne pucha: kya baat hui hai? Usne kaha: Main ne roza ki halat mein apni biwi se jamaa kar liya hai. Is par Rasool Allah S.A.W.W ne pucha: Kya pay dar pay 2 mahine k roze rakh sakte ho? Usne kaha nahi. Phir Nabi S.A.W.W ne pucha: Kya tum 60 miskeeno ko khana khilane ki taqat rakhte ho?

Usne kaha: Nahi phir Nabi S.A.W.W thori dair k liye thehar gaye' hum bhi apni ussi halat mein bethe hue thy k Aap S.A.W.W ne pucha: Sayel kahan hai? usne kaha: hazir hoon. Aap S.A.W.W ne farmaya: Isay lo aur sadqa kar do. Usne kaha: Ay Allah k Rasool S.A.W.W main apne se zyada mohtaj par bharosa kar dun is par Nabi S.A.W.W is qadar hansy k Aap S.A.W.W k agay k daant mubarak dekhe ja sakte thy phir Aap S.A.W.W ne farmaya: Acha jao, isay apne sath le jao aur apne ghar walon ko bhi khilao.

حدیث کا حوالہ: بخاری- کتاب الصوم باب اذا جامع فی رمضان (7935) مسلم- کتاب الصیام- باب تغلیظ تحریم الجماع فی نھار رمضان (1112)

• Roze Ki Halat Mein Khoon Dena روزے کی حالت میں قے آنا Roze Ki Halat Mein Ehtelam Ho Jana

Roze Ki Halat Mein Biwi Se Milap Karna Roze Ka Kaffara Kitna Hai Qaza Roze Ka Kaffara Roze Ka Fidya Kitna Hai

"Syeda Ayesha R.A bayan karti hain k aik shakhs Aap S.A.W.W ki khidmat mein hazir hua aur arz ki k main dozakh mein jal gaya. Aap S.A.W.W ne pucha: Kya bat hai? usne kaha: Ramzan mein main ne roze ki halat mein apni biwi se humbistari kar li thori der bad mein Aap S.A.W.W mein aik khajoor ka thela jis ka naam arq tha aya to Aap S.A.W.W ne farmaya: dozakh mein jalne wala kahan hai? usne kaha: Hazir hoon! to Aap S.A.W.W ne farmaya: Isko lo aur sadqa kar do."
حدیث کا حوالہ: بخاری- کتاب الصوم باب اذا جامع فی رمضان ولم لہ شئ (1934) مسلم- کتاب الصیام- باب تغلیظ تحریم الجماع فی نھار رمضان (1111)

Roze Ki Halat Mein Ulti Hona Roze Ki Halat Mein Ehtelam Ho Jana Roze Ki Halat Mein Mani Ka Nikalna Roze Ki Halat Mein Khoon Nikalna

Roze Ki Halat Mein Ulti Aana Agar Roze Ki Halat Mein Ehtelam Ho Jaye To Kya Karen?

روزے کی حالت میں مختلف امور کے بارے میں کیا حکم ہے؟

Kya ehtelam, jism se khoon niklne aur olti yani qay se roza fasad ho jata hai?

روزے کی حالت میں احتلام Roze Ki Halat Me Mani Ka Nikalna

Sawal: Main ne roza rakha tha aur masjid mein so gaya. Jab bedar hua to mujhe maloom hua k mujhe ehtalam hua hai kay ehtelam roza par asar andaz hota hai? Ye khayal rahe main ne ghusl nahi kiya aur nahane k baghair he namaz ada kar li.

Fatwa: Ehtelam se roza fasad nahi hota kyon ki ye bande k bas ki bat nahi lekin jab mani nikle to is par ghusl e janabat lazim hai. Kyon ki Nabi S.A.W.W se is baray mein pucha gaya to Aap S.A.W.W ne farmaya k jab ehtelam wala pani yani mani dekhe to us par ghusl wajib hai.

حوالہ: ابو داؤد- کتاب الطھارۃ- باب فی الرجل یجد البلتہ فی منامتہ (234) ترمذی کتاب الطھارۃ باب ما جاء فیمن یستیقط فیری بلا (113) ابن ماجہ کتاب الطھارۃ باب من احتلم ولم یربللا (412)

Ye jo aap ne bila ghusl namaz ada ki ye aap se ghalti hui hai aur bohat buri baat hai ab aap par lazim hai k is namaz ko dohrayen aur Allah Subhana Wa Taala se tauba bhi karen.

Sawal: Aik dafa yun hua k mujhe sir mein pathar laga jis se mere sir se khoon beh nikla kya khoon behne ki wajah se mera roza toot gaya?

• روزے کی حالت میں ںاخن کاٹنا کیسا ہے؟ Kya Roze Ki Halat Mein Nails Kaat Sakte Hain?

Roze Ki Halat Mein Khoon Dena روزے کی حالت میں خون نکلوانا

Fatwa: Jo pathar aap k sir par laga jis se khoon beh nikla to is say aap ka roza batil nahi hoga.

Sawal: Kya olti yani qay aane se roza fasad ho jata hai ya nahi?

روزے کی حالت میں قے Roze Ki Halat Mein Ulti Hona

Fatwa: Jo qay aap k andar se nikli yani ulti aap k jism se bahir nikli is mein bhi aap ka kuch ikhtiyar na tha lehaza aap ka roza batil nahi hua kyon ki Nabi Sallallahu Alaihi Wasallam ne farmaya hai:

Jise be ikhtiyar qay aai us par roza ki qaza nahi aur jis ne amdan qay ki yani jaan bojh kar ulti ki us par qaza hai.

حوالہ: ابو داؤد-کتاب الصیام- باب الصائم یستقی عامدا (2380) ترمذی- کتاب الصوم- باب ما جاء فیمن استقاء عمداً (820) ابن ماجہ- کتاب الصیام باب ما جاء من الصائم یقئی (1276)

Is hadees ko Ahmad aur Ahl e Sunan ne asnaad e sahih k sath riwayat kiya hai.

Roze Mein Nakhun Katna Chahiye Ya Nahi? روزے کی حالت میں ناخن کاٹنا Can We Cut Nails While Fasting In Ramadan

Roze Ki Halat Mein Nakhun Kaat Sakte Hain Ya Nahin?

Roze Ki Halat Mein Nakhun Katna Kaisa روزہ کی حالت میں ناخن کاٹنا

Roze Ki Halat Mein Nakhun Katna Jaiz Hai

Roze ki halat mein nails katna Roze ki halat mein nakhun katna jaiz hai. Roze k doran hath ya pair k nakhun tarashne se roza nahi toot ta isliye aap roze mein apne nails kaat sakte hain.

• Roza Rakhne Ki Dua Roza Kaise Rakhte Hain Roza Rakhne Ki Niyat

سوال: کیا روزے کی حالت میں ناخن کاٹے جا سکتے ہیں؟

:جواب

روزے کی حالت میں ناخن کاٹنے کی اجازت ہے ناخن کاٹنے سے روزہ مکروہ نہیں ہوگا ناخن کاٹنے سے روزہ نہیں ٹوٹتا آپاپنے ہاتھ یا پیروں کے ناخن تراش سکتے ہیں۔

Q. Can you cut your nails while fasting in Ramadan?

Ans. Yes, you can cut your finger or toe nails while your are in fasting you can cut nails.

Roza Rakhne Ki Niyat Bandhne Ka Tarika Roze Ki Niyat Karne Ka Tarika Roza Rakhne Ki Dua Roza Rakhne Ka Waqt

Roza Ki Niyat Kaise Bante Hain Roza Rakhne Ke Liye Kya Karna Chahiye

Roza Rakhne Ke Ahkam Roza Rakhne Ki Niyat Roza Kaise Rakhe

Roza Rakhne Ka Sahi Tarika Roza Rakhne Se Pehle Ki Dua

Assalam o Alaikum Warahmatullahi Wabarakatuh,

Aaj hum ramzan mein rozon ki niyat k baray mein baat karenge islam mein niyat ki bohat ahmiyat hai insan jaisi niyat karta hai usko ajar o sawab bhi usi k mutabiq he diya jata hai Imam Bukhari Rahimahullah ne Sahih Bukhari mein jo pehli Hadees naqal ki hai wo niyat he k baare mein hai.

Rasool Allah Sallallahu Alaihi Wallahi Wasallam ne farmaya:

إنَّما الأعمالُ بالنيَّات، وإنّما لِكُلِّ امرِئٍ ما نَوى

Urdu Tarjuma:- Tamaam amaal ka daromadar niyat par hai aur har amal ka natija har insan ko us ki niyat k mutabiq he milega.

Jesa k aap sab jante hain k Ramzan 2020 taqreeban shuru hone wala hai aur aur Pakistan mein pehla roza kis din hai ye janne ke liye aap meri post Ramadan 2020 First Ramzan Date in Pakistan mein lazmi parhen. Ramzan k rozon k liye niyat karna lazmi hai kyon ki Rasool Allah Sallallahu Alaihi Wallahi Wasallam ne farmaya: " Jisne roze ki niyat Fajar se pehle nahin ki uska roza nahin "

lekin kya niyat zuban se ki jati hai? hargiz nahi, niyat ka taluq dil se hai niyat dil k iraday ka naam hai. Arabic language ki maroof lughat ki kitab "Lisanul Arab" mein Allama Ibn e Manzoor Noon, Wao, Yaa k maday k tehat niyat k baray mein likhte hain: 

" Amlul Qalab " yani ye dil ka amal hai.

Niyat Kise Kahte Hai Niyat Ka Matlab Kya Hota Hai Roze Ki Niyat Kya Hoti Hai

Kisi kaam karne ka dil se pukhta irada karna isko niyat kehte hain jab aap ne raat ko ye irada kar liya k main agle din roza rakhunga to ye niyat ho gayi jab aap ne roze k irade se sehri kar li to yehi niyyat hai. Goya k niyat dil ka amal hai na k zuban ka balke niyat k alfaz ka ada karna Bidat hai hum aksar dekhte hain ramzan k calendars par aur social media par ye dua likhi hoti hai

"Wabi saumi ghadin nawaitu min shahri ramadan" yani main ne ramzan k kal k roze ki niyat ki.

na to Rasool Allah Sallallahu Alaihi Wallahi Wasallam se is qisam ki koi dua parhna sabit hai na he aisi dua Rasool Allah Sallallahu Alaihi Wallahi Wasallam ne hamen sikhayi yaad rakhen k tamam  ibadaat tokhifi hain in mein hum apni marzi se koi cheez dakhil nahin kar sakte.

Ab baat karte hain niyat k waqt k taluq se ramzan k rozon ki niyat raat k kisi bhi hissay mein ki ja sakti hai Sharai lehaz se raat maghrib k waqt shuru hoti hai aur Fajar k waqt khatam ho jati hai. Fajar se pehle pehle niyat ka kar lena kafi hai Rasool Allah Sallallahu Alaihi Wallahi Wasallam ne farmaya: Jis ne roze ki niyat raat he mein na ki to uska roza nahin"

Aap har roze k liye alag se raat he mein niyat kar lain ya phir iski dusri surat ye hai aap mahine k shuru mein pure ramzan k liye niyat kar lain aur agar ramzan mein rozon ka tasalsul munqata ho jaye bimari ki wajah se ya kisi Sharai uzar ki wajah se to uzar pura hote he phir se niyat kar lain. Albata agar nafli rakhne hoon ramzan k baad to iske liye  niyat din mein bhi ki ja sakti hai.

Umm ul Momineen Ayesha R.A farmati hain k aik din Rasool Allah Sallallahu Alaihi Wallahi Wasallam mere paas aye aur farmaya kya tumhare pass kuch khane k liye hai main ne kaha kuch nahi hai, Aap Sallallahu Alaihi Wallahi Wasallam ne farmaya to phir main roze se hun.

• Roza Iftar Karne Ki Dua Iftari Kay Waqt Ki Dua in Arabic with Urdu Translation

Agar koi insan so k uthe aur usne kuch khaya piya na ho to nafli roze k liye wo din mein bhi niyat kar sakta hai ye thi kuch aham baatein roze ki niyat k taluq se Allah Ta'ala se dua hai k wo humein is ramzan se bharpur fayda uthane ki aur apne gunahon ki maafi mangne ki taufeeq de aameen.

Wassalamualaikum Warahmatullahi Wabarakatuh

Pehla Roza Kab Hai 2020 Pakistan Ramzan Ka Pehla Roza Kab Hoga Calendar, Timings, Date, Sehri, Iftari

First Ramadan Date 2020 In Pakistan  Pakistan Mein Pehla Roza Kab Hai

Ramadan Mubarak 2020 Pakistan Date Month

PAKISTAN RAMADAN TIMINGS (SEHRI & IFTAR)

Pakistan Ramadan Time consists Ramadan Calendar and Timetable 2020 for all cities of Pakistan including Lahore, Karachi, Islamabad, Rawalpindi, Faisalabad, Gujranwala, Peshawar, Multan, Hafizabad, Arifwala, Shorkot, Wazirabad, Gakkhar, Hyderabad, Gujrat, Sargodha, Swat, Nowshera, Toba Tek Singh, Taxila, Gwadar, Mianwali, Mandi Bahauddin,  Chakwal, Sialkot, Chiniot, Sahiwal, Attock, Kotli, Dera Ghazi Khan, Sukkur, Quetta, Mardan, Jhelum, Kharian, Daska, Naran, Kaghan, Nathiagali, Gilgit, Dadu, Ghotki, Bannu, Bhimber, Burewala, Abbottabad, Rahim Yar Khan, Sheikhupura, Kasur, Bahawalpur, Khushab, Sambrial, Haroonabad Vehari, Pakpattan, Nankana Sahib, Gojra, Muridke, Sadiqabad, Kamalia, Kot Addu, Ahmedpur, Bhalwal, Bhakkar Dera Ismail Khan, Chishtian, Samundri, Bahawalnagar, Khanpur, Kabirwala, Lodhran, Haripur, Kohat, Jaranwala, Jhang, Okara, Larkana, Layyah, Khanewal, Hasilpur, Chunian, Narowal, Murree, Sanghar, Ferozepur, Muzaffargarh, Matiari, Mansehra, Mailsi, Loralai, Swabi, Talagang, Wah, Thattha, Sibbi, Umerkot, Tharparkar, Jamshoro,  and other cities. Ramadan Sehri Time and Iftar Time includes for date 13 April, 2020 of Karachi Sehri Time 04:52 am and Iftar Time 06:54 pm, Lahore Sehri Time 04:11 am and Iftar Time 06:31 pm, Islamabad Sehri Time 04:11 am and Iftar Time 06:38 pm. Fasting schedule as 30 Days Ramadan Calendar can be viewed here.

Pehla Roza Kis Tarikh Ko Hai 2020 Islamic Calendar 2020 Ramadan Pakistan

1st Ramadan 2020 in Pakistan Calendar

Pakistan mein pehla roza 24 April, 2020 Friday ko mumkin hai umeed hai yani Jummay walay din April ki 24 Tarikh ko 1st ramzan hoga jisay yakam ramzan bhi kehte hain. Inn'shaa'Allah. Umeed hai is dafa bhi Ramzan ki tayariyan urooj par hongi aur innsha'Allah Coronavirus k doran bhi sab Musalman rozay rakhenge hum Allah Taala se dua karte hain kay Ramzan 2020 mein hamein Namaz e Taraweeh parhne ka aur saray rozay rakhne ki taufeeq ata farmaye. Aameen

Expected 1st Ramadan 2020 In Pakistan 2020 Mein Ramzan Kab Shuru Hoga?

Ramzan Ki aamad aamad hai lekin kya is bar ramzan wesa he guzre ga jesa k hum pichle kai saalon se guzartay aa rahe hain yaqeenan kafi logon k zehan mein ye sawal zaror aya hoga aur ana bhi chahiye kyon ki Mah e Ramzan Musalmano ka sab se babarkat mahina hai jis mein log barh charh kar ibadat karte Namaz parhne masajid mein jate hain rozay rakhte hain sadqa o khairat karte aur zakat dete nazar aate hain. Pakistan mein Sehr aur Iftar ki timings bhi jaldi he isi website par upload ki jayengi tab tak aap latest malomat k liye visit karte rahen. Shukriya